لقد تدخلنا في قوى الطبيعة، سيب بيل، و أنا لم أعد قادر. أهذا واضح؟

إنك تظن أنك أوقفت صفقة تجارية و هذا غير صحيح. المستثمرين العرب هربوا مليارات الدولارات خارج هذه البلد و لا بد أن يعيدوها. إنه التوازن الطبيعي.

إنك رجل عتيق لا يزال ينظر للأمور من زاوية الأمم والشعوب. ليس هناك أمم و لا شعوب. ليس هناك روس و لا عرب. ليس هناك عالم ثالث. ليس هناك غرب. ليس هناك غير نظام واحد شامل لباقي الأنظمة. مؤسسة مالية دولارية واحدة واسعة متشابكة متفاعلة متعددة الجنسيات. مال النفط و الكهرباء و الرايش ماركات و الراندات و الروبلات و الشياكل.

نظام النقد العالمي هو الذي يحدد اليوم كل شيء يخص الحياة على هذا الكوكب. هو اليوم النظام الطبيعي لكل الأشياء. هو اليوم التركيب الذري و ما دون الذري و المجري لكل شيء.

و أنت تدخلت في قوى الطبيعة، و ستطلب الغفران.

إنك لتظهر على شاشتك ذات الأحد و عشرين بوصة و تتكلم عن أمريكا و الديموقراطية. لا يوجد أمريكا. لا يوجد ديموقراطية. يوجد IBM و ITT و AT&T وDuPont و DOW و Union Carbide و Exxon. تلك هي أمم العالم اليوم.

ماذا تظن الروس يناقشون في مجالس دولتهم؟ كارل ماركس؟ إنهم يعكفون على مخططات البرمجة الخطية و نظريات القرار الإحصائية و حلول min-max و يحسبون إحتمالات تكلفة المعاملات و الاستثمارات. مثلنا تماما.

لم نعد نعيش في عالم من الأمم و الأيديولوجيات، سيد بيل! العالم شبكة من المؤسسات تتبع قوانين تمخضتها التجارة. العالم تجارة، سيد بيل، منذ اللحظة التي زحف فيها الإنسان خارج المستنقع.

و سيعيش أبناؤنا، سيد بيل، ليروا هذا العالم ال … مثالي الذي لن يكون فيه حرب و لا جوع و لا قمع و لا وحشية. سيعمل البشر كلهم في شركة قابضة واحدة و وحيدة لتحقيق ربح مشترك. و كل فرد سيمتلك حصة من الأسهم. كل الأساسيات ستوفر، و كل الهموم ستهدأ، و الممل سيقضى عليه.

]]> http://moghayab.wordpress.com/2011/04/17/129/feed/ 0 dyaataha cool_pitt-431x300 http://moghayab.wordpress.com/2011/04/15/%d9%83%d8%b1%d9%83%d8%b4%d9%86%d8%ac%d9%8a/ http://moghayab.wordpress.com/2011/04/15/%d9%83%d8%b1%d9%83%d8%b4%d9%86%d8%ac%d9%8a/#comments Fri, 15 Apr 2011 18:05:33 +0000 ضياء http://moghayab.wordpress.com/?p=164 ]]> النهاردة أنا هاسمعكم أغنية “كركشنجي” لأحمد عدوية و بعدين أعقب تعقيب صغير على الأغنية. الأول نسمع الأغنية.

الأغنية بتحكي عن كركشنجي، راجل مصري غلبان ميمتلكش غير قوت يومه. في يوم أهل المنطقة لموله فلوس عشان يشتري خروف و يدبحه و يزقطط، لكن بسبب قلة خبرته في الدبح (لأنه فقير و عمره مقدر يشتري دبيحة قبل كده) الخروف بيهرب منه. اقرأ البوست ديه لو عاوز تعرف بقيت القصة.

الأغنية بتتكون من ثلاث مقاطع، كل مقطع على الشكل الأتي

كركشنجي دبح كبشو .. يامحلى مرقة لحم كبشو
كركشنجي دبح كبشو .. يامحلى مرقة لحم كبشو
عكشو .. فركش
نكشو .. طنش
قلشو .. اقلش

و أخر جزء بيكون على الوزن

و سبع فعاليل استفعللناهم من عند المستفعللين
تقدر يا مفعلل يا مستفعلل
تستفعللنا سبع فعاليل ذي ما استفعللناهم من عند المستفعللين

حيث فعلل فعل رباعي. الأفعال اللي عدوية اسستعملها كانت على الترتيب سلطن، دبّس، لحلح بس نقدر نشوف من المقطع التالي لمي كساب أن أي فعل رباعي ممكن استعماله و ساعتها الجزء الأخير بيبقى لاوية لسان (tongue twister) هايلة!

الأغنية  حلوة جدا و الجزء الأخير ده فعلا عبقري!

]]> http://moghayab.wordpress.com/2011/04/15/%d9%83%d8%b1%d9%83%d8%b4%d9%86%d8%ac%d9%8a/feed/ 0 dyaataha http://moghayab.wordpress.com/2011/04/14/%d9%85%d9%8a%d8%af%d9%8a%d9%88%d9%83%d8%b1/ http://moghayab.wordpress.com/2011/04/14/%d9%85%d9%8a%d8%af%d9%8a%d9%88%d9%83%d8%b1/#comments Thu, 14 Apr 2011 00:42:57 +0000 ضياء http://moghayab.wordpress.com/?p=86 ]]> الحياة أقصر من أن تملأ عالمك أو عالم غيرك بما هو قليل الجودة.

فضولي

ده بيذكرني أيضا ب “والدو”. والدو شخصية اخترعها رسام إنجليزي و طبع لها عدد من الكتب قايمة على نفس الفكرة: أنك تبحث عن والدو في كل صفحة. أنا اتذكر أن نهضة مصر طبعت نفس الكتب من عشر سنين بأسعار بخسة و كمان هما كانوا بيحطوا فقاعات حوارية فيها دعابات بسيطة، يعني الطبعة العربي كانت أحسن من الأصلي كمان. الظريف أن والدو ظهر بعد فضولي بتلاتاشر سنة، يعني احنا (العرب) أصحاب الفكرة!

والدو

و يبدو أن الرئيس المخلوع عاوز يسلينا و يفكرنا بطفولتنا، فاستخبى هو كمان و مخلينا ندور عليه. ابحث معي على مبارك، هل هو في شرم الشيخ أم الطور أم السعودية أم ألمانية أم قطر؟

لم أجد صورة أصغر من ديه

و أول مأسافر تقوم الثورة تقوم.  بقى كده يا رجالة متستنونيش عشان نثور مع بعض؟ هي ديه برضوا أخلاق الصحوبية؟ يعني أقول إيه لعيالي في المستقبل لما يسألوني يا بابا كنت فين لما الثورة قامت.

هبقى مكسوف زي الراجل ده.

الحمد لله على كل شيء، قدر الله و ما شاء فعل. يبقى إن ديه هتبقى تجربة هايلة لي، إني أنفصل عن المجتمع المصري لمدة عدة أشهر و بعدين أرجعله فجأة. بالشكل ده هقدر أحس فعلا بالتغيرات إللي ابتدت تحصل في المجتمع، زي بالضبط لما تشوف ابن خالتك الصغير من العيد للعيد و تتفاجئ إزاي هو طول أو تخن فجأة.

ألقاكم بعد شهرين في الميدان.

في الكوميك ديه الصاروخ إللي نزل بيه سوبرمان الطفل على الأرض نزل في الإتحاد السوفيتي بدل مينزل في أمريكا، و الحكومة السوفيتية اهتمت بيه برعاية ستالين شخصيا و تقريبا عينه نائب ليه. بعد كده ستالين تم اغتياله على يد ابنه شخصيا لأنه كان عاوز يمسك الحكم من بعده، بس سوبرمان اتدخل و مسك الرئاسة هو بنفسه. المهم، سوبر مان بيتقلب ديكتاتور و باتمان بيكون خلية إرهابية عشان يحاول يقتله و يريح البشر منه. في النهاية سوبرمان بيهج من الأرض خالص بعد ما الشعب الأرضي قلب عليه.

القصة متشابهة مع الواقع بشكل كوميدي لدرجة إن القارئ ممكن يظن إني بسرح بيه. و أنا أحب أرد عليك بجملة مرتضى منصور المشهورة، “أنا عندي مستندات و صور على الكلام ده”.

قائد الطلعة الجوية.

أنا في بوست قادم هكتب تصوري لما سيؤل ليه سوبر مان لو كان هبط طفلا في مصر، بس أحب أقرا تصوراتكم في الكومنتات!

أنا بعد 25 يناير قررت أتغير مش بس عشان مصر، عشان نفسي أنا كمان. من النهاردة هعيش بدماغي بما لا يتعارض مع مبادئي و قيمي و أخلاقي (يعني في الأخر بدماغي برده). من النهاردة أنا أرفض أكون سلبي تاني. من النهاردة محدش هيفرض عليا رأي من غير مقتنع بيه. من النهاردة هفهم كل حاجة.

استعنا على الشقى بالله.